اڈپی : وزیراعظم نریندر مودی اپنے ایک روزہ کرناٹک کے دورے پر پہنچ گئے ہیں، جہاں اُڈوپی میں جگدگرو شری شری سگونندر تیرتھ سوامی جی نے وشو گیتا پرایائے لکشیہ کنٹھ گیتا پراین میں وزیراعظم نریندر مودی کا استقبال اور اعزاز کیا۔ اس موقع پر ایک عوامی جلسے سے خطاب کرتے ہوئے وزیراعظم نریندر مودی نے کہا: ’’اُڈوپی آنا میرے لیے اس لیے بھی خاص ہے کیونکہ اُڈوپی جن سنگھ اور بی جے پی کے بہتر حکمرانی کے ماڈل کی کرم بھومی رہا ہے۔ 1968 میں اُڈوپی کے لوگوں نے جن سنگھ کے ہمارے رہنما وی۔ ایس۔ آچاریہ کو میونسپل کونسل میں کامیاب کیا تھا… آج ملک بھر میں جو صفائی مہم ہم دیکھ رہے ہیں، اُڈوپی نے اسے پانچ دہائی پہلے ہی اپنا لیا تھا۔‘‘
وزیراعظم مودی نے مزید کہا: ہمارے معاشرے میں صدیوں سے منتر اور گیتا کے شلوک پڑھے جاتے ہیں، مگر جب ایک لاکھ آوازیں یکجا ہو کر یہ شلوک پڑھتی ہیں… تو ایسی توانائی پیدا ہوتی ہے جو ہمارے ذہن و دل کو ایک نئی لہر، نئی طاقت دیتی ہے… یہی توانائی روحانیت کی طاقت ہے، یہی توانائی سماجی یکجہتی کی طاقت ہے۔ اسی لیے لکش کنٹھ گیتا کا یہ موقع ایک عظیم توانائی پیکر کا تجربہ بن گیا ہے۔
وزیراعظم نے کہا: یہاں آنے سے تین دن پہلے میں ایودھیا میں تھا۔ 25 نومبر کو وواہ پنچمی کے پُنیہ دن ایودھیا کے رام جنم بھومی مندر میں دھرم دھوجا کی استھاپنا ہوئی… رام مندر تحریک میں اُڈوپی کی کتنی بڑی بھومکا رہی ہے، سارا ملک جانتا ہے۔‘
انہوں نے کہا: آج ہماری ‘سب کا ساتھ، سب کا وکاس’ اور ‘سرون ہتائے، سروجن سکے’ جیسی پالیسیاں بھگوان شری کرشن کے انہی شلوکوں سے متاثر ہیں۔ بھگوان شری کرشن ہمیں غریبوں کی مدد کرنے کا منتر دیتے ہیں، اور اسی سے آیشن بھارت اور پی ایم آواس یوجنا جیسی اسکیموں کی بنیاد پڑتی ہے۔ بھگوان شری کرشن ہمیں خواتین کی حفاظت اور خواتین کے بااختیار بنانے کا درس دیتے ہیں، اور انہی کی تحریک سے ملک ناری شکتی وندن ایکٹ کا تاریخی فیصلہ لیتا ہے۔
وزیراعظم مودی نے مزید کہا:’شری کرشن نے میدان جنگ میں گیتا کا پیغام دیا تھا اور بھگوت گیتا ہمیں سکھاتی ہے کہ امن اور سچ کی حفاظت کے لیے ظالموں کا خاتمہ ضروری ہے… ہم لال قلعے کی فصیل سے شری کرشن کی کرُپّا کا پیغام دیتے ہیں، اور اسی فصیل سے مشن سُدرشن چکر کا اعلان بھی کرتے ہیں… ملک نے آپریشن سندور کی کارروائی میں ہمارا عزم دیکھا ہے… ہم امن قائم کرنا بھی جانتے ہیں اور امن کی حفاظت کرنا بھی جانتے ہیں۔
اپنے اس دورے میں وزیراعظم مودی ’سورن تیرتھ منتپ‘ کا افتتاح کریں گے، جو بھگوان کرشن کے گربھ گرہ (گرہۂ عبادت) کے سامنے بنایا گیا ہے۔ اس کے علاوہ وہ ’کنک کوَچ‘ بھی وقف کریں گے، جو کنکا کانا کنڈی پر سونے کا آوری ہے، جہاں سے سنت کنک داس نے پہلی بار بھگوان کرشن کے درشن کیے تھے۔ شری کرشن مٹھ کی بنیاد تقریباً 800 سال پہلے شری مدھواچاریہ نے رکھی تھی، جو دوئت ویدانت درشن کے بانی تھے۔
