نئی بستیوں کی تعمیر اقوام متحدہ کی قراردادوں کے منافی ہے: سعودی عرب
29
M.U.H
17/12/2025
ریاض: سعودی وزارت خارجہ نے ایک بیان میں کہا ہے کہ صیہونی حکومت کی جانب سے مغربی کنارے میں نئی بستیوں کی تعمیر اقوام متحدہ کی قراردادوں کی خلاف ورزی ہے۔
بیان میں عالمی برادری سے مطالبہ کیا گیا ہے کہ وہ اسرائیلی حکومت کی جانب سے عالمی قرار دادوں کی خلاف ورزیوں کا سلسلہ بند کرانے کے لیے اپنا کردار ادا کرے۔
سعودی وزارت خارجہ کے بیان میں ایک بار پھر 1967 کی سرحدوں کے اندر دارالحکومت بیت المقدس کے ساتھ، ایک آزاد فلسطینی ریاست کے قیام سے متعلق اپنے دیرینہ موقف کا اعاد کیا گیا ہے۔
