ادھو ٹھاکرے کا پاکستان کے خلاف کرکٹ میچ پر سخت ردعمل
17
M.U.H
24/08/2025
شیوسینا ٹھاکرے گروپ کے سربراہ ادھو ٹھاکرے نے پاکستان کے ساتھ ہونے والے کرکٹ میچ پر سخت تنقید کی ہے اور حکومت سے سوال کیا کہ فوجیوں کے بہادری بھرے خون کے بعد یہ کھیل کیسے ممکن ہے۔ انہوں نے کہا کہ لوگوں کو کبوتروں، کتوں اور ہاتھیوں کے لیے ہمدردی کا مظاہرہ نظر آتا ہے لیکن جب ملک کے بے گناہ شہری اور فوجی شہید ہوتے ہیں تو انسانیت اور ہمدردی کہاں جاتی ہے۔
ادھو ٹھاکرے نے وزیراعظم کے بیان پر بھی طنز کیا جس میں کہا گیا تھا کہ خون اور پانی ایک ساتھ نہیں بہہ سکتے۔ انہوں نے سوال کیا کہ کیا اب گرم سندور کولڈ ڈرنک بن گیا ہے اور خون اور کرکٹ ایک ساتھ کیسے بہہ سکتے ہیں۔ انہوں نے کہا کہ فوجیوں کی بہادری کو نظرانداز کرتے ہوئے سیاستدان اس کا کریڈٹ لے رہے ہیں۔ دادر میں ایک پروگرام سے خطاب کرتے ہوئے انہوں نے واضح طور پر کہا کہ ہر حال میں ہندوستان اور پاکستان کا میچ منسوخ ہونا چاہیے۔
واضح رہے کہ اس سے پہلے ادھو ٹھاکرے گروپ کے دو ارکان نے بھی اس میچ کی مخالفت میں اپنی رائے دی ہے۔ پرینکا چترویدی نے اس تعلق سے ایک خط لکھا ہے اور مطالبہ کیا ہے کہ کم از کم اس میچ کی لایئو اسٹریمنگ پر پابندی عائد کر دی جائے۔ اس کے بعد ادھو ٹھاکرے گروپ کے ایک دوسرے رکن پارلیمنٹ سنجے راؤت نے وزیر اعظم کو خط لکھ کر اس میچ کے نہ کرائے جانے کا مطالبہ کیا ہے۔
