مزاحمت کا سفر جاری رہے گا، شہید اسماعیل ہنیہ کی پہلی برسی پر حماس کا پیغام
29
M.U.H
31/07/2025
شہید اسماعیل ہنیہ کی پہلی برسی پر حماس نے کہا ہے کہ صہیونی دہشتگردی ہمارے عزم کو متزلزل نہیں کر سکتی؛ 3 اگست کو عالمی یوم حمایتِ قدس کے طور پر منایا جائے۔
فلسطینی مقاومتی تحریک حماس نے اپنے سابقہ سیاسی دفتر کے سربراہ اور عظیم فلسطینی قائد شہید اسماعیل ہنیہ کی پہلی برسی کے موقع پر ایک بیان میں ان کی زندگی، جدوجہد، قیادت اور صہیونی سازشوں کے خلاف ان کے غیرمتزلزل مؤقف کو خراج عقیدت پیش کیا گیا ہے۔
بیان میں شہید ہنیہ کی 31 جولائی 2024 کو تہران میں صہیونی ایجنسیوں کے ہاتھوں ٹارگٹ کلنگ کی شدید مذمت کرتے ہوئے کہا گیا کہ وہ ایک ایسے قائد تھے جو پوری زندگی مزاحمت اور عوامی خدمت میں مصروف عمل رہے۔ مقاومتی رہنماؤں کو شہید کرنے کی اسرائیلی پالیسی کبھی بھی تحریک مزاحمت کو ختم نہیں کرسکی، بلکہ ہر شہادت نے تحریک کو مزید استحکام اور مقبولیت عطا کی ہے۔
حماس نے مزید کہا کہ شہید ہنیہ 1987 کے انتفاضہ سے لے کر آج تک تحریک حماس کے تمام میدانوں میں سرگرم رہے، چاہے وہ طلبہ تحریک ہو، غزہ کی حکومت، مسلح مزاحمت یا بین الاقوامی سفارتکاری۔ ان کی زندگی ایک مسلسل جدو جہد سے عبارت تھی۔
حماس نے عالمی برادری، مسلم اقوام اور تمام حریت پسندوں سے اپیل کی ہے کہ ہر سال 3 اگست کو عالمی یوم حمایت بیت المقدس کے طور پر منایا جائے۔ یہ دن غزہ میں جاری نسل کشی، صہیونی محاصرے اور بھوک کے خلاف عالمی بیداری اور عملی مزاحمت کا عنوان بنے۔
