اقوام متحدہ میں ہندوستان نے سندھو آبی معاہدے پر پاکستان کے جھوٹ کو کیا بے نقاب، دہشت گردی پر پڑوسی ملک کو لگائی پھٹکار
18
M.U.H
24/05/2025
ہندوستان نے عالمی برادری کے سامنے پاکستان کو بے نقاب کرنا شروع کر دیا ہے۔ سندھو آبی معاہدے پر پاکستان کے پروپیگنڈے کا منھ توڑ جواب دیتے ہوئے اقوام متحدہ میں کہا ہے کہ پاکستان پہلے ہی ہندوستان پر تین جنگیں مسلط کرکے اور ہزاروں دہشت گردانہ واقعات انجام دے کر سندھو آبی معاہدہ کی خلاف ورزی کر چکا ہے۔ اقوام متحدہ میں ہندوستان کے مستقل نمائندے پرو تھانینی ہریش نے جمعہ کو ایک پروگرام کے دوران کہا کہ سندھو آبی معاہدہ کو لے کر پاکستان کے نمائندہ وفد کے ذریعہ غلط معلومات پھیلائی جا رہی ہے۔ ہندوستان نے ہمیشہ ذمہ داری بھرا سلوک کیا ہے۔ دراصل پہلگام دہشت گردانہ حملے کے بعد ہندوستان نے سخت رخ اختیار کرتے ہوئے پاکستان کے ساتھ سندھو آبی معاہدہ کو معطل کر دیا تھا۔
جمعہ کو اقوام متحدہ میں سلامتی کونسل کی ایریا فارمولہ میٹنگ کا انعقاد کیا گیا۔ اس میٹنگ کا مدعا تنازعہ کے دوران پانی کے تحفظ کا تھا۔ میٹنگ میں پاکستان نے ہندوستان پر سندھو آبی معاہدہ کو توڑنے کے لیے بے بنیاد اور گمراہ کن الزامات لگائے۔ جس پر ہندوستان کے مستقل نمائندے نے پاکستان کے پروپگنڈے کا منھ توڑ جواب حقائق کے ساتھ دیا۔
پی ہریش نے کہا کہ 65 سال پہلے ہندوستان نے نیک نیتی کے ساتھ پاکستان کے ساتھ سندھو آبی معاہدہ کیا تھا۔ معاہدے کی تمہید کا ذکر کرتے ہوئے ہریش نے کہا، ’’اس میں صاف لکھا گیا ہے کہ یہ معاہدہ نیک نیتی اور دوستی کے ساتھ کیا گیا، لیکن پاکستان نے گزشتہ 65 برسوں میں اس منصوبہ کی صاف طور پر خلاف ورزی کی اور ہندوستان کے خلاف تین جنگ لڑے اور ہزاروں دہشت گردانہ حملہ کیے۔‘‘
پی ہریش نے بتایا کہ گزشتہ چار دہائیوں میں دہشت گردانہ حملوں میں ہندوستان کے 20 ہزار سے زیادہ لوگوں کی موت ہوئی ہے اور سب سے تازہ دہشت گردانہ حملہ پہلگام کا ہے جس میں بے قصور سیاحوں کو نشانہ بنایا گیا۔ اس کے باوجود ہندوستان نے تحمل سے کام لیا۔‘‘
انہوں نے کہا کہ پاکستان سرحد پر دہشت گردی کے ذریعہ ہندوستان میں عام شہریوں کی زندگی کو قید کرنا چاہتا ہے اور ساتھ ہی مذہبی خیرسگالی اور اقتصادی خوشحالی میں بھی رکاوٹ پیدا کرنا چاہتا ہے۔ ہریش نے پاکستانی کو آئینہ دکھاتے ہوئے کہا کہ ہم نے کئی بار پاکستان سے سندھو آبی معاہدہ کو ترمیم کرنے کو کہا تھا لیکن اسلام آباد نے ہر بار اس تجویز کو خارج کر دیا۔
پی ہریش نے آگے کہا کہ تکنیک بدل چکی ہے اور اس نے پشتہ تعمیر کے کام کو بھی بدل دیا ہے جس سے پشتوں کا تحفظ اور ان کا آپریشن بہتر ہوا ہے۔ کئی پرانے پشتوں کے تحفظ کو خطرہ ہے لیکن پاکستان ان پشتوں کی تعمیر میں کسی بھی تبدیلی کی مخالفت کرتا رہا ہے جبکہ معاہدے کے تحت اس کی منظوری دی گئی تھی۔ یہی وجہ رہی ہے کہ جب پاکستان، جو دہشت گردی کا مرکز ہے، وہ سرحد پار دہشت گردی کو جب تک اپنی حمایت کرنا بند نہیں کرتا تب تک ہندوستان نے سندھو آبی معاہدہ کو معطل کرنے کا فیصلہ کیا ہے۔ اس طرح صاف ہے کہ پاکستان نے ہی سندھو آبی معاہدہ کی خلاف ورزی کی ہے۔
