آپریشن سندور کا مقصد دہشت گردی کا خاتمہ تھا، جس میں فوج کو زبردست کامیابی حاصل ہوئی: ڈی جی ایم او راجیو گھئی
22
M.U.H
12/05/2025
نئی دہلی: ہندوستانی فوج کے جنرل آفیسر کمانڈنگ ان چیف (ڈی جی ایم او) لیفٹیننٹ جنرل راجیو گھئی نے اتوار کے روز ایک پریس بریفنگ میں 'آپریشن سندور' کی کامیابی کے بارے میں بتایا۔ انہوں نے کہا کہ اس آپریشن کا مقصد دہشت گردی کا خاتمہ تھا اور اس میں ہندوستانی فوج نے زبردست کامیابی حاصل کی، اس آپریشن کے دوران 100 سے زائد دہشت گرد مارے گئے اور کئی دہشت گردوں کے ٹھکانوں کو مکمل طور پر تباہ کر دیا گیا۔
لیفٹیننٹ جنرل راجیو گھئی نے بتایا کہ آپریشن کے دوران تین بدنام زنامہ دہشت گرد یوسف اظہر، عبدالملک راؤف اور مدثر احمد شامل ، کو ہلاک کر دیا گیا۔ یہ دہشت گرد ہندوستان کے خلاف کئی دہشت گردانہ سرگرمیوں میں ملوث تھے اور ان کی تلاش ہندوستانی ایجنسیوں کو کئی سالوں سے تھی۔ ان دہشت گردوں کے بارے میں معلومات کی تصدیق کی گئی ہے کہ یہ آئی سی-814 ہائی جیک اور پلوامہ حملے میں ملوث تھے۔
خیال رہے کہ آپریشن سندور کی منصوبہ بندی ہندوستانی شہریوں پر ہونے والے دہشت گرد حملے کے بعد کی گئی تھی۔ اس آپریشن کا مقصد دہشت گردوں اور ان کے ٹھکانوں کا صفایا کرنا تھا۔ ہندوستانی ایجنسیوں نے ان دہشت گردوں کے ٹھکانوں کی شناخت کی، جن میں کئی پاکستان کے زیر قبضہ کشمیر (پی او کے) اور پنجاب کے علاقوں میں واقع تھے۔ ان ٹھکانوں کی شناخت سیٹیلائٹ تصاویر سے بھی کی گئی، جن میں ہندوستانی فوج کی کارروائی کے بعد ان ٹھکانوں کی تباہی کو واضح طور پر دیکھا جا سکتا تھا۔
لیفٹیننٹ جنرل گھئی نے کہا کہ پاکستان نے کنٹرول لائن پر سیزر فائر کی خلاف ورزی کی گولہ باری میں شہری علاقوں، گھروں، اسپتالوں اور مذہبی مقامات کو نشانہ بنایا، جو عالمی قوانین کی خلاف ورزی ہے۔
