امریکا کو چھوڑ کر سلامتی کونسل کے سبھی اراکین نے غزہ پر اسرائیلی حملے بند کئے جانے کا مطالبہ کیا ہے
36
M.U.H
28/08/2025
نیویارک: امریکا کو چھوڑ کر اقوام متحدہ کی سلامتی کونسل کے سبھی اراکین نے غزہ پر اسرائیلی حملے فوری طور پر بند کئے جانے کا مطالبہ کیا ہے اور کہا کہ اسرائیل کو غزہ میں اپنا راستہ تبدیل کرنا چاہئے
غزہ کے بارے میں اقوام متحدہ کی سلامتی کونسل کے ہنگامی اجلاس میں غیر متوقع طور پر امریکا کو چھوڑ کر سبھی اراکین ایک ساتھ کھڑے نظر آئے اور انھوں نے ایک مشترکہ بیان جاری کرکے اسرائیل سے مطالبہ کیا ہے کہ غزہ میں فوجی کارروائیوں کا دائرہ وسیع تر کرنے کا اقدام روک دے۔
سلامتی کونسل کے اراکین کے اس بیان میں جس پر امریکا نے دستخط نہیں کئے ہیں، اقوام متحدہ کے فود سیکورٹی کے ادارے آئی پی سی کی جس نے غزہ میں قحط کی تصدیق کی ہے، حمایت کی گئی ہے اور اعلان کیا گیا ہے کہ غزہ میں قحط کا بحران انسانوں کا پیدا کردہ ہے۔
سلامتی کونسل کے 14 اراکین نے خبردار کیا ہے کہ بھوک سے اسلحے کا کام لینا بین الاقوامی قوانین کے مطابق ممنوع ہے اور یہ سلسلہ فوری طور پر بند ہونا چاہئے۔
سلامتی کونسل کے اراکین کے اس بیان میں غزہ میں فوری طور پر غیر مشروط جنگ بندی اور سبھی جنگی قیدیوں کی رہائی کا مطالبہ کیا گیا ہے اور اسرائیل سے کہا گیا ہے کہ غزہ میں امداد رسانی میں حائل سبھی رکاوٹیں اور پابندیاں فوری طور پر ختم کرے۔
